MAGING MASAYA KA

paano ba masasabi ang salitang masaya

paano ito mararamdaman na ikaw ay maligaya

makikita ba ito sa ating mga mukha 

o kusang lumalabas sa ating mga aura

mahirap sabihin masaya tayo

lalo na't puso mo naman ay nagdurugo

mahirap maramdaman masaya ang puso mo

kung puro paiit at pasakit naman ang laman nito

kung tila lang isang ibon ang mga tao

masaya na sa paglipad kasama ng kanyang balahibo

tulad ng isang isda sa bawat ilog

masayang lumalangoy ng walang kaabog abog

puso ay kusang nagsasalita at nagwiwika

kung ikaw ay malungkot o masaya

hindi mo malilinlang ang sarili mo o ang iba

dahil sa bandang huli lalabas din ang iyong mga luha

sabi nila gawin mo ang mga na magpapasaya sa iyo

pero bakit minsan kung ano ang magpapasaya sa iyo

ay siyang mga dahilan ng pagpatak ng mga luha mo

hindi ba't kay gulo kung ano dapat ang sundin mo

mahirap bitawan ng isang bata ang kanyang lobo

mahirap bitawan ang bangkang papel sa agos ng ilog

mahirap alisin ang damit na ngayo'y hindi na magkasya sa iyo

dahil alam mo na maaring mas magiging malaya ito na malayo sa iyo

kung bibitaw ka gawin mo na ng maaga

mahirap yung lalalim pa humantong na maging makasarili ka

alamin mo na kung hindi ka na masaya

umalis ka na wag kang maging tanga

masaya? paano ka magiging masaya ?

kung ang bawat ginagawa mo ay kapalit ay luha

dahil ba dapat ay ngumiti ka kahit namumublema

at dayain ang sarili habang ang puso mo namamatay na

sabi nila makuntento ka at maging masaya

dahil may dahilan bakit ka hindi naging masaya

may tamang oras para sa iyong nilaan

para ngiti naman sa iyong labi ay mangibabaw

gumising ka na  sa katotohanan 

at alamin ang tunay na kaligayahan

wag hanapin sa mga bagay na hindi ka liligaya

wag pagpilitan kung hindi ka magiging masaya

tumayo ka at lumakad sa buhay na ito

wag kang tuod at maghihintay ng milagro

may laan ang Diyos para sa iyo

ipaglaban at hanapin ang kaligayahan mo

tulad ng isang ibon iwagayway mo ang pakpak mo 

tulad ng isda galawin mo ang palikpik mo

sumunod ka sa nais ng iyong puso

dahil iyan lamang ang makakahanap ng tunay na kaligayahan mo